Store dimensjonar

Har vore hos trelasthandlar å kjøpt to gardinstenger/rundlister,
ein meter lange..

...derifrå til far min som laga spissar i eine enden av dei.

Har då fått meg STORE strikkepinnar.
Pinnane på det grå strikketøyet er nr 4,
og på dei andre stod det 21 mm då eg kjøpte stengene.

Har sett nokon som strikkar med kosteskaft,
men det trur eg blir for tungt for meg.
Desse er store nok for meg.

Håpar på å få strikka eit teppe,
men må ta tida til hjelp.
Har for vane å bli for ivrig i begynnelsen av eit arbeid.
Men her må ein berre strikke litt om gongen,
skal ein greie å gjere andre ting òg i løpet av dagen.

Strikkar med dobbel tråd for å sjå korleis det blir,
eller kanskje det skulle vore tredobbel...?
Det er berre å prøve seg fram.

Til slutt eit bilde av pinnane i arbeid.

Kjekt å få prøvd ut dette òg.

Takk for besøket, og velkommen igjen.
Ha ein fin dag.

Lenge sidan sist..

I går tok eg fram broderiutstyret til symaskina mi.
Noko som ikkje har vore i bruk på lenge, lenge.
Det tok si tid å sette seg inn i det igjen,
men eg fekk start på det og sydde nokre prøvelappar.

Brukte fridagen i går berre til saum,
og fekk sydd to forseinka bursdagspresangar.
Her er broderia eg laga til å sette på..

Sydde to bunadsposar,
ein til svigerinne og den andre til ei eg er tante til.
Ikkje enkelt å ta bilder av svart,
og med slikt fuktig veir må det fotograferast inne.

Bak er det sett i ein 1 m lang toveis glidelås.

Godt å endeleg få sydd ferdig slike ting som skulle vore gjort for lenge sidan.
Det er igrunn ikkje so lenge gjort når ein først begynner :-)

Ha ein fin dag vidare.

God helg

Ein einsleg liten stoffbit og litt blonde
er forvandla til to hjarte.

Takkar for fine komentarar til innlegga mine,
dei inspirerar meg til vidare kreative krumspring.

Ynskjer mine følgara og andre besøkande i bloggen min
ei hjarteleg god helg.

Turkis er fint

Turkis er ein farge eg likar godt.
Litt misvisande på bildet, fargen er litt skarpare enn dette.
Dette er ein løpar eg har lagt vekk i staden for å kaste den.
Den er brukt nokre gonger, men vart skjoldete etter vasking.

Fekk lyst å lage meg eit nytt nett.
Har alltid eit par stoffnett i handveska,
sidan eg ikkje likar plastposar.
Her er eine sida..

..og andre sida.

Ein flekk vart kamuflert med ein hekla rosett eg hadde liggande.
I enden av rosetten hadde eg hekla eit stykke luftmasker.
Det var langt nok til å skrive " hei " med,
og ein liten trekt knapp til prikken over i`en.

Og sjølvsagt er det sydd på ei snor slik at nettet kan rullast ihop
og knyttast rundt for å ta minst muleg plass i handveska.

Og eg er SO fornøgd,
sidan eg har fått laga nytt liv til ein løpar som igrunn hadde gjort si plikt.

Vårfargar

Denne toppen har eg sydd på bestilling.
Artig stoff i herlege fargar.

Stoffet er på ein måte dobbelt,
med yste laget i strimler.

Plagget er levert og godkjent,
og då er alt berre kjekt.

Brukte dette mønsteret frå Stoff&Stil.

Fornying

Ein vindfull dag fann eg fram ei gammal sid kåpe.
Den har hengt på boden i fleire år,
og har lenge tenkt at eg skulle gjere noko med den.

Etter litt grubling og leiting i tilsidelagte klær og stoff,
fann eg ei grøn oppspretta kåpe.
( kjøpt på freetex ein gong )
Perfekt farge å kvikke opp den svarte kåpa.
Er igrunn ikkje so glad i svarte kle,
men har likavel nokre plagg i den fargen.

Her ein liten stoffbit i nakken av kåpa.

Kåpa er klipt av til litt over knehøgde.
Og litt grøn pynt tilfeldig nede ved splitten.

Erme.

Kragen frå den grøne kåpa har eg sydd på den eksisterande kragen.
Øverste del kan brettast opp og ned kvar for seg,
feks den svarte delen ned og den grøne delen opp.

Ermene er lagt opp,
gjekk alltid med oppbrett på ermene når den var i bruk.

No har kåpa mi fått eit nytt liv, og kan takast i bruk igjen.
Den skal ikkje henge på boden no lenger :-)

Liten og rosa

Har strikka ein liten rosa kjole.
Det tok igrunn lenger tid å få på knappane,
enn å strikke den :-)

Mønster: Kreativ Strik
Str: 9-12 mnd
Garn: Viking Baby ull