Kjole

Denne kjolen strikka eg for nokre veker sidan,
på toget frå Bergen til Oslo, og tilbake.
Mest på tilbaketuren, sidan vi tog nattoget nedover.

Den var bestilt, og jenta har brukt og godkjent kjolen:)
Garn: Napoli frå Gjestal Spinneri.
Str 6 år.

Hekla viftekantar og nokre blomster, og sydde på glassperler...
måtte ha litt pynt på til ei lita prinsesse.


Fortsatt god påske til deg :)

Basar

Lenge sidan eg har blogga no, har vore ein travel månad.
Men kjem sterkt tilbake :)
Takker for alle fine komentarar eg har fått framover,
noko eg set stor pris på.


Søndag hadde vi basar i Kulturhuset her på øya.
Eg er leiar i redningsforeningen her,
og vi har basar kvart år på palmesøndag.
Vi samlar inn pengar til Redningsskøytene,
som reddar liv langs heile kysten.
Mykje flotte gevinstar, både heimelaga og kjøpte.

Salen var pynta i påskefargar,
det kom ca 150 personar til basaren.
Kjekt å lage til,
når so mange tek turen og støttar saka vi arbeider for.

Vi fekk òg besøk av representantar frå selskapet sitt kontor i Florø,
som kom med redningsskøyta Halfdan Grieg.
Og mannskapet var med og informerte om skøytene sitt arbeid.

Kaker til kaffien stod klar,
til å bli fordelt ut på borda til gjestane.

Åresalget gjekk strålande,
vi fekk inn ein fin sum pengar,
som blir sendt vidare til støtte til redningsskøytene våre.

Ynskjer alle som besøker bloggen min,
ei riktig god påske.
Blir glad for ein liten komentar, når du likavel er innom :)

Sekskantar

Har funne fram igjen posen med sekskantane mine.
Den har eit lag å forsvinne bakom noko anna i periodar..
For så å dukke opp sånn av og til.
Då er det om å gjere å vere ivrig med heklenåla.
Her er 13 nye tilskudd i samlinga :)

Er so smått begynt å sy ihop lappane.
Har fått den lengda eg vil ha på det,
men må nok sy på fleire i breidda.
Tenkte på 2 m x 1,5 m.
Det vil sei ca 360 lappar, eg har 220 stk ferdig.
140 til, so er det i boks :)

Får sjå kor langt eg kjem,
før det må vike plass for noko anna spennande handarbeid :)

Isskrapevottar

Har strikka og tova nokre isskrapevottar.
Skulle vore produsert litt tidlegare på vinteren,
har hatt god bruk for desse då.
Men da kan enda komme meir snø,
eller so får dei ligge til neste vinter.

Har brukt av garnlageret mitt denne gangen og.
Strikka i Trysil garn, og div pelsgarn.

På turen i Oslo greidde eg å la vere å kjøpe garn,
men eit par meter stoff vart med heimover.
Ganske kry av meg sjølv der ;)
Skal heller prøve å bruke meir frå garn og stoff lageret mitt,
til alle prosjekta eg har planar om.


Ha ei flott veke :)

pølser og knekkebrød

Vi har hatt flott vinterveir i mange veker,
hugsar ikkje sist vi hadde det slik.
Etter mykje aking,
er det koseleg med bål og varme pølser.
Dette må ha vore i den blå timen...

Har prøvd å laga knekkebrød, vart freista av bloggen til Tovepia.
Desse vart gode, anbefales.

Kjempegode med cottage cheese og heimelaga eplemos.

Har nokre strikka og tova produkt liggande til tørk.
Skal montere og ta bilder av dei neste veke.

I morgon reiser eg og yngstemann i huset ein tur til Oslo,
skal besøke datter og storesøster nokre dagar.
Det er vinterferie her hos oss i neste veke,
so då passar det med nokre dagar på tur.
Det einaste som er pakka til no,
er ei veske med handarbeid.
Blir mange timar med strikketøy,
først ekspressbåt til Bergen,
og vidare til Oslo med tog.

Ha ei flott veke vidare:)

Ferdig med teppet.

Då er teppet ferdig.
Har i grunn vore ferdig nokre dagar,
men no først vart det fotografering.
Måla er ca 130 x 140 cm, liggande flatt,
men det er ganske elastisk.

Har planar å strikke ei pute til teppet,
hadde sikkert vore fint med teppe og pute i samme mønster.

Ha ei kjempefin helg,
og god morsdag til alle mammaer :)

Quilting / lappeteknikk

Veit ikkje om eg er seint eller tidleg ute,
med å lage juleduk :)
Kjøpte stoffpakken før jul,
no først fekk eg lyst å lage den.
Dette er første gang eg lagar noko i
quilting eller lappeteknikk..
er ikkje sikker på kva det kalles.
Den er vel ikkje heilt perfekt, men eg er formøgd,
og moro var det og :)
Trur eg må finne meg nokre enkle mønster med påskemotiv.
Det er ein del basarar no framover,
som tek imot gevinstar.

So må eg få sei at i går hadde eg vore røykfri i eit år.
Og det har gått so bra, trur eg fortsetter slik :))

God helg til deg.