Eventyrstrikk

- Er ei flott strikkebok å drøyme seg vekk i.

Her er mange flotte mønster,

 skulle ynskje eg hadde strikka kjempefort so eg hadde fått prøvd ut fleire av mønstera.

Men det er berre å innsjå, ein rekk ikkje over alt.

..Men det er lov å drøyme..

Dotter vår kom med ynskje for denne genseren.

Og då er ikkje mor vanskeleg å be :-)

I vår blei garn innkjøpt, og eg la opp masker med godt mot.

Alltid kjekt å begynne på noko nytt.

Strikka jevnt og trutt innimellom andre småarbeid eg har på gang.

Gjekk litt lei i sommar då eg måtte til å strikke fam og tilbake på ermetoppen.

Det er ikkje moro med slikt mønster i tillegg.

Men skulestart nærma seg, og jenta skulle til Bergen igjen for to nye år på skule.

Og då var det berre å sette seg ned å bli ferdig med prosjektet.

Genserern blei ferdig til bursdagen hannar i august,

den passa bra og falt i smak hos mottakar.

Garnet skulle vere Mirasol  fra Du Store Alpakka,

men eg brukte Mitu Rauma garn, 50% alpakka og 50% ull.

Eit lett og herleg garn som eg heilt sikkert kjem til å strikke meir av.

No gjenstår det berre å strikke hua i samme mønster,

Den er snart på pinnane og forhåpentlegvis ferdig før høsten set inn for fullt.