onsdag 30. juni 2010

Man tager hva man haver :)

- Eit ullteppe og ein gammal kjole er brukt til denne veska.
Mønstert heiter: Sissel`s veske.

Har prøvd meg på litt quilting,
her må det visst øving til..
Har quilta med turkis tråd, det viser ikkje so godt på bildet.
Men no ser eg at eine hanken er sydd skeivt på....
Men den får berre vere slik,
den er jo HAND MADE :)


Romsleg og god veske, det liker eg.
Må jo vere plass til handarbeid,
i tillegg til alt anna ein kan få bruk for.


Inni er det pennelomme, snor med karabinkrok
og ein glidelåslomme.
Det vart litt tjukt å sy på lukkekanten,
men skulle berre mangle, med fleire lag ullteppe under nåla :)

Er ganske fornøgd med den.


onsdag 23. juni 2010

Endeleg orden.

No har eg sydd oppheng til rundstrikkepinnane mine.
Endeleg har eg full oversikt over størrelsar,
og enkelt å finne rette str når eg treng slike.
Har funne inspirasjon på Bentes Roterom.


Eg har brukt stoff av gamle gardiner og anna frå lageret mitt.
sidan dette er eit prøve-eksemplar.
Men eg er ganske fornøgd, og so praktisk, då :)

Ha ei flott jonsok.



søndag 20. juni 2010

Veske

Her er ei veske som har lagt leeenge å venta på å bli ferdig.
Har gått ut ifrå eit mønster i boka:
Strikk og tov, av Gerd Fjellanger.
Og brukt garn frå garnlageret mitt.

Den er strikka i Trysil-garn og tova,
med strikka og tova blondekant i tynnare garn,
trur det var ein rest Kauni-garn.



Hank og snora rundt kanten er reimer frå eit belte
som aldri har vore i bruk.
Og pynta med nokre tunge glitrande smykke-perler,
for å få tyngde på snorene.
Synest det vart fint med litt glitter til den grove veska.


Inni har eg laga ein lomme av stoff,
som er restar etter eit skjørt eg la opp for ein stund sidan.
Og ei snor med karabinkrok i, du ser litt i den i venstre sida.

Ha ein fortryllande dag :)


fredag 18. juni 2010

Pute

Prøver å ferdigjere div prosjekt eg har liggande,
som berre manglar montering ol.
Denne puta har òg lagt ei stund
og venta på å få sydd på den kvite kanten..
Da tok ikkje lang tid når eg berre kom i gang.



So no er settet komplett.
Teppe og pute.
Puta er 50 x 50 cm.

Er begynt på nytt teppe,
må liksom ha eit stort prosjekt liggande :)
Korleis det skal sjå ut,
får du sjå seinare ;)

No er det jammen fare for sol her hos oss,
rart å sjå blå himmel igjen.
Håpar det er sommaren som er komt for å bli:)

Ha ein fin dag.


tirsdag 15. juni 2010

Skeive sokker

Denne gangen var det moro å strikke sokker.
Har lenge tenkt å strikke Tone M sine skeive sokker,
og det ga meirsmak :)
Garnet eg har brukt: Viking Sportsragg.

Det er første gang eg har strikka sokker etter mønster,
men dette gjekk jo bra, jo:)
Har òg tenkt å prøve meg på Tone M sine
havskumsokker, om ikkje so lenge :))




søndag 13. juni 2010

Små kjolar

Hadde eit lite dykk i mønstera eg har etter bestemor.
Der fann eg mønster til desse gryteklutkjolane.
Og av to nøster Rosett, har eg hekla to slike sett.
Hugsar frå då eg var liten,
og det hang slike til pynt på kjøkkenveggen heime.

Mønsteret er eit utklipp frå Hjemmet nr 47/84.
Dette var koseleg arbeid.
Passe stort å ha med i veska,
til å hekle på i ferjekø og på ferjeturen til arbeid:)




søndag 6. juni 2010

småstrikk

Litt småstrikk mens eg tenker ut neste prosjekt eg skal til med.
Har brukt litt av bomullgarn-lageret mitt.
Gryteklutar og kjøkkenklut er greie å ha,
kanskje dei blir presang..


Eg har strikka dei i dobbelt garn og to fargar,
og hekla rundt med eine fargen.
Har slike i bruk sjølv,
og likar dei godt.
Treng ikkje vere redd for å brenne fingrane når desse er i bruk.





tirsdag 1. juni 2010

360..

Etter 360 sekskantar + to hekla runder rundt heile teppet,
3.060 kg garn ( ca 61 nøster ),
og litt tolmodigheit, er teppet ferdig :))

Målt liggande ca 2,20 x 1,70 m.
Men trur det vart ein del større,
når eg hengde det opp for å ta bilete av det.

Var ferdig med det for ei veke sidan,
men no forst er det vaska og klart for fotografering.

Dette har vore eit kjekt arbeid,
no er det berre å finne ut korleis neste teppe skal sjå ut:)
Gler meg å begynne på eit nytt.




Andre innlegg so kanskje fell i smak?

Related Posts Plugin for WordPress, Blogger...