Spennande oppdrag.

Fekk eit oppdrag som eg ikkje hadde prøvd meg på før. 

Å sy om brudekjole til dåpskjole..

Det gjekk lang tid før eg turde å sette saksa i denne fine kjolen.

Men babyen blei født og kjolen måtte syast ferdig til dåpen.

Klipte ytterste stoffet, eit lag tyll og underskjørtet av kjolen og sette i gang.

Må syast med omtanke, 

stoffet (tyll) dreg seg lett saman i sømmen.

Nydelege broderier på stoffet,

 blir nok fin dåpskjole dette :-)

Fekk tak i nydeleg blonde som eg kunne tre sløyfe gjennom.

Brukte samme blonda i sidene i staden for å sy beltehemper for hånd.

Kjekt å få slike utfordringar innimellom :-)

Går bra når eg først kjem i gang.

Slik blei dåpskjolen til.

Er godt fornøgd med resultatet.

Oppdraget er levert, og har fått mange gode tilbakemeldingar.

Noko som varmar og inspirerar :-)

Resten av brudekjolen er intakt.

Kan foreksempel klippe av slep, 

legge opp til ønsket sidde og klees med fint stoff.

Då blir det ein fin selskapskjole,

og brudekjolen kan brukast på ny :-)

Ynskjer foreldre og vesleguten ein fin dåpsdag.

Omsaum

Har hatt denne tunikaen liggande ei god stund. 

Den var i største laget, men eg likte godt fargane og stoffet.

Klipte den opp, og la nytt mønster på delane.

Og med nokre bitar blått stoff frå ein gammal topp,

blei resultatet denne gensaren.

Det blå stoffet er det glitter i,

friskar opp ein ellers grå genser.

Kjekt å sy omigjen :-)

Det var ein gang eit reklameflagg..

 

Fekk for ei stund sidan to slike reklameflagg frå den lokale Fluggerbutikken.

I dag har eg sett saksa i eit av dei.

Resultatet blei eit handlenett og ein liten pose.

God plass til varer, og miljøvenleg.

Posen er til å oppbevare handlenettet i. 

So ligg den klar i handveska eller i bilen klar til bruk :-)

Gensaren passa ikkje..

Dotter vår kom heim med ein gensar ho hadde kjøpt, 

men som ikkje passa likavel.

Då den ikkje passa til meg heller, måtte vi gjere noko anna med den.

Tok med gensaren i sybrakka mi,

 fann fram nokre gamle julegardiner,glidelås og ei innerpute..

Beklager dårleg bilde, men i farten blei det slik,

har dårleg tolmodigheit når det gjeld fotografering :-)

..Etter ei stund var gensar og gardin blitt sofapute.

Sydde først ei innerpute med glidelås av den røde gardina.

Og deretter sjølve putetrekket av gensaren,

der sette eg glidelås i kanten.

Greit å kunne ta av for vask eller utskifting.

Gløymde å ta bilde av ferdig pute,

men jenta tok bilde av den då ho kom til Bergen igjen etter juleferien.

Passa fint med rød pute attmed det kvite teppet eg strikka til henne for nokre år sidan :-)

Frå kåpe til jakke.

Fekk i oppdrag å sy om ei avlagt kåpe.

I staden for å kaste skulle den bli eit `nytt`plagg.

I iveren i å begynne på prosjektet, gløymde eg å ta `før`bilde..

..men denne kåpa på bildet er noko liknande i fasong som den eg skulle fikse.

Forminska kragen og knepping frå dobbelknepping til enkel.

Sydde nokre grønne store sting på kragen,

 og sette på ein grøn knapp øvst i halsen.

På eine lommen sette eg på ein glidelås, 

greit med ein lomme til mobil mm som kan lukkast.

Som pynt blei det ein glidelås på eine ermet,

 og grøn kant nede på ermene.

Kåpa blei klipt av i lengd,

sydd inn og laga innsnitt i ryggen tilpassa eigaren .

Det grønne feltet i ryggen er sydd på med store korssting i innsnitta,

som er sydd utanpå istaden for skjult.

Eit bilde av framsida.

Jakka er godkjent av eigaren, og komt i bruk.

 

Lage noko av noko..

Ei dame kom med desse to plagga som ikkje var i bruk lenger, 

og lurte på om eg kunne lage noko anna av dei.

Vesker var ynskjeleg.

Dei vart liggande ei god stund før eg kom på gli

 og ideane dukka opp etterkvart eg arbeidde meg fram.

1. Handlenett er i vinden no har eg forstått.

La frakken flatt og klipte ut stykket der framlommane er.

Sydde igjen kneppinga framme og spitten bak, og sydde veske/nett av det.

Då blei det to lommar framme på veska.

Foret er det som var i frakken,

det følgde med då eg klipte ut stoffstykka.

Nøkkelsnor har eg festa i sidesaumen.

2. Skulderveske i `skinn`( frakken er ikkje ekte skinn ) 

med litt pynt av jakkestoffet.

Denne er laga av eine ermet på frakken.

Denne veska har fått glidelåslukning.

Foret m glidelåslomme er av eit putetrekk eg kjøpte på 

Kremmerhuset ein gang eg kom over salg der.

Og selfølgeleg nøkkelsnor her òg.

 

3. Skulderveske med knappelukning.

Her har eg gått ut ifrå eit mønster i eit av høstens `Alt om handarbeide`

 Brukte stykket på frakken (bryststykket)som var over det eg klipte av til nettet.

 

Lommestykket er kragen av jakka.

Bakstykker er skulderstykket på frakken.

Her har eg fora med ein gardinrest, 

og laga glidelåslomme i overgangen av foret og belegget i veska.

Skulderreima er eit grovt band, 

er ikkje sikker på kva ein kallar det..

Dekorerte med litt jakkestoff på sidene og litt

 `skinn`på toppen slik at den heng betre på skuldra.

4. Då eg hadde klipt krage og ermer av jakka

 og den låg framfør meg med berre ermer av for,

synest eg den måtte få svarte ermer.

Ser i katalogar og butikkar at det er noko som blir brukt ein del no.

Fann litt skinnimitasjon i lageret mitt og sydde to ermer og ein kant rundt halsen.

Sprette av trykknappane som var i jakka og sette på ein svart grov, delbar glidelås i stadenfor.

I bakre ermesømmen sette eg inn ei stripe av jakkestoffet.

 

 

Vart godt fornøgd med resultatet.

Kjekt å få slike oppdrag når eg får frie tøylar, og ingen tidsfrist :-)

Slikt må gjerast når ideane kjem. 

No passa den.

Har lenge irritert meg over nokre bukser eg har som er litt for lave i livet.

Buksene har vore lagt vekk, men sidan dei ellers var gode, 

kunne dei ikkje berre ligge slik. Eg måtte gjere noko med dei..

 

No er den eine klar.

Sprette linningen av ei anna bukse frå samlinga 

"gamle bukser som eg ein gong skal lage noko av",

og sette på buksa mi.

Om det ikkje er samme farge, gjer ingenting.

No sit den i livet akkurat der den skal,

og den har vore mykje i bruk sidan den vart fiksa.

 

Då gjenstår det berre å gjere det samme med ei til,

får sjå kortid det blir..

 

Ha ei fin helg :)

..Og enda ein..

Denne t-skjorta fekk eg i fjor når vi hadde besøk av 

mini-redningsskøyta Elias på Krabbefestivalen.

Og som Redningsskøyta R/S Utvær kom med.

Eg er ivrig medlem i foreninga her på øya som arbeider for Redningsselskapet,

og vi har vore so heldige å fått låne Elias på Krabbefestivalane her på Atløy.

Den 13 og 14 april reiste eg og tre andre frå foreninga til Flørø 

på distriktsårsmøtet for Redningsselskapet.

Då passa det bra å sy om t-skjorta so eg kunne bruke den på møtet.

Her har eg brukt ein brun genser og ein mønstrete tunika i tillegg.

 

Slik blei den, har som sagt allerede vore i bruk.

Likar kombinasjonen med brunt og rødt ispedd kvitt.

Teikna mønster av den brune gensaren før eg klipte den sund,

og brukte det som utgangspunkt.

Brukte stoff frå bolen til ermer og litt av halslinninga,

resten av genseren var utslitt.

 Har brukt litt av den kvitmønstrete tunikaen som pynt på eine erme,

og halve halslinninga.

Den vart litt kort so eg sette på nederste delen som 

var avklipt t-skjorta.

Den var smalare enn tunikaen,

men kvifor ikkje ha ein brei splitt i sidene i staden for høg splitt..

Likar at det ikkje blir slik som det normalt skulle vore :-)

..Og nokre små stoffrestar tilfeldig sydd på skjørtet saman med kjennemerket mitt.