søndag 13. desember 2009

3 søndag i advent.

Har ikkje noko handarbeide å vise fram.
Men var ute i går og pusla litt med kvistar ol.
Eit hjarte på døra av 4 kvistar sibirkornell...

...Ein krans av lerke- kvistar..
...og ei sinkbøtte fylt med tuja-, fure- og mispel-greiner,
med ei lita rød lykt oppi.
Vart meir julestemning på tunet i går kveld,
når lyset var tent i lykta.


Har ein kjempefin amaryllis i stoveglaset.
Veit ikkje om den blomstrar helt fram til jul,
men kjekt med fine blomster før jul òg.
Yngstemann i huset og pus poserer utanfor :)

fredag 4. desember 2009

Småplukk

Har hekla øyredobbar, små oldemor-ruter.
Ca 2,5 x 2,5 cm.
Hengde på to grå perler, for å få litt tyngde på dei.



Her er ei julegruppe eg har laga.
Kjøpte lecakuler, sviblar, eføy og ei lita sypress
( trur de er det den heiter)
Og plasserte dei i eit stort keramikk vaskefat,
som eg har kjøpt på bruktbutikk.
Gir god lukt i stova når sviblane sprett ut.


tirsdag 1. desember 2009

Julebakst og nysnø

I går starta eg dagen med å lage julebrød,
mens første snøfnugga dala ned utanfor kjøkkenglaset...

Etterfulgt av ein sol og vindstille formiddag.
Då freista det med å kle på seg og gå ut på tur.


Då vi passerte julegrana i bygda, begynte det å snøe igjen.
Ho blir ekstra fin med snø på, synest eg:)


Bilete tatt frå moloen.

Etter endt spasertur var det kvitt overalt.


I dag har eg laga serinakaker og peanøttkjeks.

I kveld skal eg til mor mi, og lage sylteflesk og krumkaker.
Da blir kos :)

Kjekt du ser innom bloggen min.
Blir kjempeglad hvis du skriv nokre ord,
har du ikkje blogg-konto sjølv, kan du skrive i gjesteboka på høgre sida.

Ha ein flott første desember.

lørdag 28. november 2009

Litt strikking.

Merker at det nærmar seg jul,
kjem plutseleg på so mykje som skulle vore gjort..
Har no fått gjort ein del, og tek de ganske roleg.
Julegardinene er komt opp på kjøkkenet,
og i morgon skal adventstjerna hengast opp.
Skal snart til å bake litt småkaker og julebrød,
då blir det julestemning i huset.
Ellers har eg fått strikka litt :
vottar, frå Familiens Juleideer.
Og to par minivottar i samme farge.
Garn: sisu, lilla og svart.


Ein dag prøvde eg meg på å lage pakkelappar.
Men det vart ikkje store resultatet.
Synest det er kjekkare å vere fleire ilag,
når ein skal sitte med slikt arbeid.


So to par til av desse mini vottane.
Då er bestillingane av dei i boks.

Desverre dårleg kvalitet på bilda,
har tatt dei i lampelys, med mobil.
Hadde vore kjekt med eit skikkeleg kamera,
men det får vi ta etterkvart.

I morgon skal vi tenne julegrana her i bygda.
Då kjem koret og syng til oss, mens lysa blir tent på grana.
Etterpå skal vi samlast i grendahuset til førjulskos,
med sang, kakao og mat.
Og so har eg høyrt at nissen kanskje kjem på besøk..

Ynskjer alle ei fin første advent helg.

onsdag 18. november 2009

Vottar

I går kveld strikka eg TO par vottar,
men eg seier ikkje kva størrelse :))

Etter at eg var spurd tidlegare på dagen,
om eg strikka slike små vottar,
( noko som eg aldri har gjort)
Fekk eg dei ikkje ut av tankane.
Leitte litt på nettet, før eg fann eit bilde,
som eg kunne teikne mønster av.
So var det berre å sette i gang.
Hadde igrunn tenkt å gjere litt forefallande arbeid i huset....
men vart sittande å kose meg med å strikke vottar i stadenfor :)

Har strikka nesten eit par til, på ferja til og frå arbeid, og i pausen.
Dette var moro :)

Garn: baby ull
Pinne nr 2

mandag 16. november 2009

Varmande tilbehør

I helga har eg strikka baktusskjerf og pulsvarmere.
I samme garn som den grå lua eg strikka til dotter mi,
tidlegare i høst.
Alfa frå Sandnesgarn.
Er nok på veg med posten til Oslo,
( til ei forkjøla jente ) i løpet av dagen.


So har eg sydd denne kjeledressen/bamsedressen.
Str 74-80. Mønster frå eit Burdablad frå 1990.
Eg har litt teddystoff liggande, og fekk lyst å sy denne.
Sydde ein slik rosa til dotter mi då ho var baby,
og brukte den mykje.



Ingenting som strammar, mjuk og god.
Har fora den med vindtett stoff.
Hadde ein liten prins i tankane, når eg laga den...

Her er sol, 10 grader og fint høstveir.

Ha ein flott mandag.

søndag 15. november 2009

Labbar

Strikkalabbar er det alltid nokon som treng.

Garn: Viking Sportsragg, fargen er meir lilla enn bildet viser.
Eige mønster, utanom flettene framme på brotet,
som er frå Alt om Håndarbeide nr 1, 09.

fredag 13. november 2009

Snøkrystaller

Innimellom arbeid, strikking og sying,
har eg denne veka hekla to snøkrystaller.


Har eit gammalt mønster frå Familien,nr 26/ 89.
Med litt heklegarn etter bestemor mi og nokre plastringar,
( dei måtte eg på butikk å kjøpe )har eg prøvd å lage desse.
Vart ikkje heilt som på mønsteret,
måtte til med litt forandringar....
Men artig å prøve :)
Har funne fleire liknande mønster eg kunne tenke meg å prøve
, so vi får sjå om tida strekk til...

God helg frå meg :)



mandag 9. november 2009

Skoltefest

Lørdag var det tid for den tradisjonelle skoltefesten her på Atløy.
Vi kom til ein festpynta sal i Kulturhuset,
over ser du sangheftet for anledningen.


Nyyydeleg mat vart servert, og for første gang,
tok eg mot til meg og åt auget òg :)

Etter middag og kaffi, var det flott dansemusikk
og hæla i taket til langt på natt :)


Sydde meg ny kjole til festen,
stoffet er eit av mange andre, eg fekk hos ei dame i sommar.
Hadde planar om å strikke kvite eller grå ermer
( liknande sau )
Men enda opp med litt friskare farge :)

Litt uklåre bilder, sidan det er mobilkamera og lite lys inne.


MidtstillGanske fornøgd med denne modellen.
Har gått ut ifrå mønster frå
Alt om Håndarbeide nr 1, 2009.
med litt ekstra, som strikka ermer -




- og ei lita hekla blomst nede på kjolen :)

lørdag 31. oktober 2009

lue og lampe

Leitte rundt i garnlageret mitt i går kveld,
og fann garn til ei lue.
Greit å strikke på når ein ser på Tv.



Tidlegare i veka tok eg til mot, og spraymalte stålampen som var begynt å bli kjedeleg i fargen.
Tok den med ut i sola, og spraya både fot og skjerm.
Her ser du før og etter bilder.



Var usikker på korleis skjermen kom til å bli, men tok sjansen.
Hadde igrunn tenkt å kjøpe ny skjerm...
Men den skal få vere på ei stund til.
Synest den vart artig med litt ujevn overflate,
etter å ha latt malinga renne litt nedover skjermen.

Lampen passa bedre i stova no, enn tidlegare.
Ingen som har maken, i allefall :))

fredag 30. oktober 2009

Bolero

Har strikka bolero etter ynskje frå datter i huset.
Mønster :Kreativ Strik ( med litt justeringar )
Garn :Feestyle

Blir spennande å sjå om den passar,
når ho kjem heim ein tur til neste helg.

mandag 26. oktober 2009

Dokkekle og stoffposar

No har eg levert desse ,
håpar den som bestilte dei blir fornøgd.
Fekk igrunn lyst å lage meir dokkekle,
men må nok få unna litt andre ting først.



I dag har eg sydd desse posane/korgene,
som skal leverast denne veka.
Ytterstoffet er av gamle, men kjempefine gardiner.
Fora med bomullstoff og eit tynt lag vatt mellom laga.
Mønster frå boka Hånd i Hanke.

søndag 25. oktober 2009

Høst

Vi har hatt nokre fine høstdagar her på Vestlandet.
Utruleg flotte fargar i naturen.


Sola speglar seg i sjøen som har vore " som ein spegel " nokre dagar.


I kveld har eg vore på basar i øyas bedehus,
der Atløykoret underheldt med flott sang.
Der var flotte gevinstar som skulle loddast ut, mange av dei heimelaga,
og vi fekk servert kaffi og kaker.
Etter to åresal og loddsal, men følgande trekningar,
kunne eg reise heim med eit par strikkalabbar,
som desverre ikkje passar til nokon her i huset.

Er endeleg ferdig med dei fem setta med dokkekle, eg har strikka på.
Ventar på at dei skal tørke, so eg får levere dei.
So er eg nesten ferdig med ein strikka bolero til datter mi,
kjem bilder etterkvart.

:)


fredag 16. oktober 2009

Veskehåndtak

Desse 11 setta med heimelaga veskehåndtak,
fekk eg denne veke.
Ei dame eg kjenner fekk sjå nokre av veskene eg har laga...
Og nokre dagar etterpå kom ho med desse til meg.
Håndtaka har mannen hennar laga for lenge sidan,
og dei har berre vorte liggande.

No er det berre å få unna alt i huset som MÅ gjerast.
Og håpe der er tid og energi igjen,
til å få laga vesker til nokre av håndtaka i løpet av helga.
Energi til å lage ting har vore liten i det siste,
har vore forkjøla :(
Men, er begynt å få igjen gnisten no :)
Kanskje det er sola som hjelper på..

God helg til alle frå meg :)

mandag 12. oktober 2009

Rock`n roll :)

No er det berre å rydde plass i stova,
når ho mor tek fram rokkeringen:)
Har vore å kjøpt meg ei slik i dag,
dette var noko anna enn den vanlege varianten eg har liggande.
Håpar den er like effektiv som det kjennest når eg brukar den.

Ellers so strikkar eg på dokkekle fremdeles.
Eit sett igjen,
er begynt å bli litt lei av å strikke det samme fleire gonger.
Men har eg strikka fire sett, må eg nok greie eit til.

Gler meg til å begynne på noko anna,
men IKKJE før eg er ferdig med det eg held på med.



torsdag 8. oktober 2009

Oslotur

Har hatt langhelg i Oslo.
Var innom teknisk museum ein tur, der var det mykje å sjå på.
Her er eg framfor eit fargekamera :)


Fin statue framfor rådhuset.


Dotter mi tok meg med til Grønland,
for å vise meg dei flotte stoffbutikkane der.
Der var fleire butikkar overfylt med fargerike stoff.
Der kunne eg gått lenge og berre sjå...
Spurte fint om lov å ta eit bilde, for å vise litt av alt det flotte.



Er ikkje enkelt å la vere å kjøpe,
når ein kan få 4,5 meter flott kjolestoff til ein 50.- lapp.
Men måtte tenke på at eg skulle frakte det med meg heim,
med buss, tog, hurtigbåt, ferje og bil .



Desse grønne, lilla og mønstrete stoffa,
har eg tenkt å sy ein kjolar av.




Var på Strikkedilla og kjøpte litt garn.
Grå Freestyle til vest.
Eit par lysegrønne Kitten Mohair til eit sjal,
mini Palett og online garn som eg ikkje har prøvd å strikka av før.
Bildet vart opp ned,
berre slikt som skjer av og til,
når eg lastar ned bilder til bloggen.



Måtte kjøpe ei ekstra veske, slik at eg fekk med meg alt heim :)
Var innom SØSTRENE GRENE på KarlJohan,
ein artig butikk med mykje rart.
Denne veska kunne eg ikkje gå ifrå...



På togturen heim var det snøstorm på Finse, Brrr.



Når vi kom heim,
stod denne og blomstra so fint i glaskarmen.
Kjekt med fine fargar i stoveglaset, i ein ellers so grå og regnfull haust.
Dette er berre litt av alt vi har fått med oss desse dagane.
Har hatt ei innhaldsrik og koseleg helg,
og til og med fått sjå sola igjen :)

Andre innlegg so kanskje fell i smak?

Related Posts Plugin for WordPress, Blogger...