Pute med elg.

Denne puta strikka eg som bursdagspresang til sambuaren til eine son vår.

Måtte sitte heilt konsentrert å strikke, kvar omgang var forskjellig.

Av og til angra eg fælt på at eg sette igong med dette, men når puta var ferdig var alt gløymt.

Vart kjempefornøgd med resultatet, og jenta likte den òg :-)

Kanskje eg lagar fleire med tida..

Fann mønsteret i Familien 5/14,

det heiter Skogens Konge.

dei har eit grått strikkateppe frå før, so den passa bra ilagmed det.

Gensaren passa ikkje..

Dotter vår kom heim med ein gensar ho hadde kjøpt, 

men som ikkje passa likavel.

Då den ikkje passa til meg heller, måtte vi gjere noko anna med den.

Tok med gensaren i sybrakka mi,

 fann fram nokre gamle julegardiner,glidelås og ei innerpute..

Beklager dårleg bilde, men i farten blei det slik,

har dårleg tolmodigheit når det gjeld fotografering :-)

..Etter ei stund var gensar og gardin blitt sofapute.

Sydde først ei innerpute med glidelås av den røde gardina.

Og deretter sjølve putetrekket av gensaren,

der sette eg glidelås i kanten.

Greit å kunne ta av for vask eller utskifting.

Gløymde å ta bilde av ferdig pute,

men jenta tok bilde av den då ho kom til Bergen igjen etter juleferien.

Passa fint med rød pute attmed det kvite teppet eg strikka til henne for nokre år sidan :-)

Må bruke opp alle restane

Av restane etter teppet eg hekla tidlegare,

har eg laga ei pute.

Baksida er svart, og i sida har eg "snøra" opninga saman med ei hekla snor.

Greit å kunne ta ut innerputa om trekket treng vask..

Då var teppe og pute klar for levering.

Eller, det vil sei:  puta og teppet ER levert,

det er berre eg som ikkje kjem so langt å blogge når bilda er tatt :-)

Puter av gardiner

Har sydd fire puter, 60x60 cm, på bestilling.

Sydd av eit sett gardiner som kunden har kjøpt sjølv.

Likte sjølv dette stoffet, passer flott til puter.

Blei desverre tatt eit bilde i full fart før dei skulle leverast.

Er nok litt lysare i fargen enn dette viser,

 ettersom det var ein regntung dag og innefotografering passa best.

Ha ein fortsatt fin dag.

Stor pute

Denne puta har eg hekla i samme mønster som to andre tepper eg tidlegare har laga.

Den er 60 x 60 cm.

Innerputa sydde eg først trekk på av ein tynn gardinrest.

 Bakstykket er strikka i dobbelt garn på tjukke pinnar. opninga let eg vere å sy igjen,

men hekla ei snor som eg tredde i og lukka med.

Greit om det skal skiftast innerpute eller vaskast putetrekk..

Bryllupshelsing

Som nevnt i forige innlegg, har eg laga pute som bryllupspresang.

Har i lang tid tenkt å sy pute med bilete på.

Papir til å kopiere bilete på hadde eg liggande frå tidlegare,

og stoff og blonder er det rikeleg av i sybrakka mi.

Då var det berre bilete av brudeparets son som mangla..

Fekk bruda si mor til å ta bilete av guten å sende meg på mail.

Redigerte det om til svart-kvitt og skreiv det ut på spesialpapiret til dette formplet.

Strauk biletet på kvitt bomullstoff og sydde det på lin.

Med blonde rundt vart eg godt nøgd med resultatet.

Kjekt å gje personlege gaver.

Ikkje alltid like enkelt å vite kva ein skal gje som helsing på ein slik stor dag.

Pute

Denne puta var eg ferdig med rett etter eg blogga om dette teppet,

men har ikkje dilla meg til å sy trekk til innerpute før no..

Det som ikkje blir gjort med ein gong

har lett for å ligge på vent ei stund her hos meg.

Brukte restar etter teppet, her er eine sida.

 

Den andre sida vart blå/grøn,

sidan det ikkje var igjen nok av den andre fargen.

Dette er den fargen eg har hekla teppet ihop med.

No er settet komplett.

So får det ligge på vent til nokon ser seg nytte i det.

Artig å lage med garn som skiftar farge,

og so slepp ein mange trådar å feste :-)

Samme fine veiret her, og samme kalde nordavinden.

Men eg har ein lun krok i hagen der det er vindstille,

der kan eg nyte sola.

Takk for besøket for denne gang :-)

 

Gamal genser

Hadde Ein kjøpestrikkagenser eg var lei av.
Men likte fargen godt.
No er den blitt pute, og her framsida som er i lett flettemønster.

Ryggen av gensaren var rett og vrang,
for å få puta stor nok måtte eg la brotet vere med òg.
Har kanta den med eit lin liknande stoff frå ei gamal gardin.

På baksida er det konvoluttåpning.
Kanskje der må vere knappar i lukninga òg,
men det ser eg først når eg får tak i innerpute.
Den er ca 40 x 40 cm.

Pute

Prøver å ferdigjere div prosjekt eg har liggande,
som berre manglar montering ol.
Denne puta har òg lagt ei stund
og venta på å få sydd på den kvite kanten..
Da tok ikkje lang tid når eg berre kom i gang.

So no er settet komplett.
Teppe og pute.
Puta er 50 x 50 cm.

Er begynt på nytt teppe,
må liksom ha eit stort prosjekt liggande :)
Korleis det skal sjå ut,
får du sjå seinare ;)

No er det jammen fare for sol her hos oss,
rart å sjå blå himmel igjen.
Håpar det er sommaren som er komt for å bli:)

Ha ein fin dag.

Begynte å hekle sengeteppe, store firkanter ca 40 x 40 cm.

Gjekk lei etter to firkanter.

Hekla dei sammen og sydde kvitt trekk på innerputa.

Baby bommull frå Gestal.