onsdag 12. november 2014

1, 2, 3

Nr 1. Etter det eg har sett på nettet i det siste,
 er det populært med slike babynest til babyar.
Måtte sjølvsagt prøves, og her er første utkast frå meg..
 


Den kan vrengast og brukast på begge sider.


Nr 2. Dette er sydd i meir nøytrale fargar.
Blei gitt som gåve og er komt i bruk :-)


Nr 3.Dette har eg sydd til vårt første barnebarn
 som kjem til verden i løpet av høsten.



Laga ei lita pute til.
Dobbelt lag med stoff, utan fyll.
Greit å ha om det blir smågulp, so treng ein ikkje vaske heile nestet.


Pynta med blonder etter ynskje frå vordande mor :-)

No er det berre å vente til det kan takast i bruk.
Vi gler oss :-)



onsdag 29. oktober 2014

Omsaum

Har hatt denne tunikaen liggande ei god stund. 
Den var i største laget, men eg likte godt fargane og stoffet.



Klipte den opp, og la nytt mønster på delane.
Og med nokre bitar blått stoff frå ein gammal topp,
blei resultatet denne gensaren.



Det blå stoffet er det glitter i,
friskar opp ein ellers grå genser.



Kjekt å sy omigjen :-)



tirsdag 21. oktober 2014

Det var ein gang eit reklameflagg..

 
Fekk for ei stund sidan to slike reklameflagg frå den lokale Fluggerbutikken.
I dag har eg sett saksa i eit av dei.




Resultatet blei eit handlenett og ein liten pose.



God plass til varer, og miljøvenleg.



Posen er til å oppbevare handlenettet i. 
So ligg den klar i handveska eller i bilen klar til bruk :-)




lørdag 16. august 2014

Sjukepleiarmotiv

Hm, her har det vore stilt lenge..
Det får eg prøve å gjere noko med :-)


I mars hadde eine tanteungen min bursdag.( om eg kan kalle ho det når ho er 23 år..)
Eg har som regel store planar om å lage presangar, men kjem alltid for seint igong.
Sidan ho var utanlands i vår på grunn av sjukepleierstudie, 
fekk ho presang etter fullført eksaamen og skuleslutt.
Eg laga  toalettveske med sjukepleiarmotiv.


Bakpå sydde eg inn navnet.
 Teikna det på med kritt og sydde over nokre gonger med symaskina.
Sette på ei anorakksnor til oppheng eller bærestropp.




Nett før levering hekla eg på eit rødt hjerte, eit enkelt mønster eg fann her.




Med litt dusjsåpe og handkrem var det klart til innpakking.




Kjekt å gje heimelaga presangar.
Ho fann ut at ho ville bruke den som lunsjboks
 når ho skulle begynne å arbeide på Haukeland sjukehus.
Passer bra med dette motivet då :-)

Hadde ikkje mønster, klipte og sydde og den vart til undervegs.




onsdag 18. juni 2014

Pute med elg.


Denne puta strikka eg som bursdagspresang til sambuaren til eine son vår.
Måtte sitte heilt konsentrert å strikke, kvar omgang var forskjellig.
Av og til angra eg fælt på at eg sette igong med dette, men når puta var ferdig var alt gløymt.
Vart kjempefornøgd med resultatet, og jenta likte den òg :-)
Kanskje eg lagar fleire med tida..
Fann mønsteret i Familien 5/14,
det heiter Skogens Konge.

dei har eit grått strikkateppe frå før, so den passa bra ilagmed det.



fredag 13. juni 2014

Bilstrikk




I fjor haust skulle eg og kallen på biltur nokre dagar.
Det første eg tenkjer på når eg skal på tur er kva handarbeid eg skal ta med..
Måtte ha noko som eg kunne strikke på og samtidig nyte alt det flotte rundt oss når vi kjøyrer langs vegane.


Då valgte eg å legge opp eit teppe eg har tenkt på ei stund.
Hadde ein pose garn eg hadde arva ei tid tilbake,
valgte fargar, merkte nøster med nummer og fann fram rundstrikkepinne.
So var det klart 
:-)

La opp tre masker i blått, auka ei maske ( med eit kast)
 på kvar side av midtmaska på annankvar omg.
Skifta farge og mønster etterkvart nøsta var oppstrikka.
Enda opp med fleire hundre ( hugsar ikkje talet) masker på pinnen før avfelling.
 

Ikkje før på vårparten i år var teppet ferdig.
Gjekk lei innimellom, og då måtte eg ta fram andre prosjekt ei stund.
Ferdig måler teppet 160 cm x 160 cm, og veg 496 gr.

Det vart gitt som gevinst til basaren, som foreninga eg er med i, 
held kvart år for redningsselskapet.


Har enda nesten like mykje garn igjen som det eg brukte ttil teppet.


Garnet er mjukt og lett.
Heiter SILKE-TWEED
52 % silke og 48 % lammull


Planen er å strikke eit til.
 Men då kanskje begynne i midten og auke i fire hjørner utover.


Med 438 gram skal vel neste teppe bli nesten like stort som det eg har vist her :-)

Takk for at du såg innom, og ha ein fortsatt fin dag.



torsdag 22. mai 2014

Alltid like kjekt når den passar.

 
Enda ein bunad blei levert i `god`tid ( i allefall nokre dagar) før konfirmasjon.
Har funne ut at eg arbeider best under press, når eg har lita tid :-)
Maljedukar, lomme og brodering av kanten nede er gjort av søster og mor til konfirmanten i fellesskap.
 
 


Eit lite glimt av ryggen.


Og her ved levering og godkjenning.
Ho skulle ha sølvbelte,
 derfor har eg ikkje sydd beltespenne på fangbandet.
( det ser du betre på første bildet)
 
Då er det ein liten pause i bunadsaum før eg set i gang med neste års bestillingar.
Når det gjeld bunadsaum, går året frå mai til mai her hos meg :-)
 
 



onsdag 7. mai 2014

Islender med raglanfelling


Eit tidløst mønster..


I vinter strikka eg denne genseren/islenderen.
So kry når eg har strikka av garn frå mitt store lager :-)
Det oransje er opprekkgarn frå ei jakke eg ikkje var heilt fornøgd med.
Det kvite, og det oransje, er Rubin frå Spar Kjøp.



Begynte på eit islendermønster.
 Men når eg kom oppover bolen, fekk eg lyst å prøve å strikke raglan i stadenfor.
 Kjekt å sleppe å sy og klippe opp, for so å sy på ermer og strikke hals. 
Dette ga meirsmak, vips so var det berre å legge til rundt halsen og feste trådenden:-)

Gensaren er str 6 år, og blei gitt som gevinst på redningsbasaren vår Palmesøndag.

Ligg på etterskudd når det gjeld blogging, dagane er for korte for min del :-)
Men det er igrunn eit luksusproblem.
Skal vere glad ein kan og er god til å gjere/lage det ein vil.

Takk for besøket, ynskjer deg ein fin dag vidare :-)


fredag 2. mai 2014

Fornøgd jente med ny bunad.

I påska leverte eg sunnfjordbunad til ei flott jente som skal komfirmerast 10 mai.
På dette bildet er det min eigen lomme som heng på,
var ikkje ferdig med lommen til bunaden då eg tok bildet.



Lomme blei til etterkvart, og er levert med bunaden.



Ingenting er som eit stort fornøgd smil på jenta når ho får på seg ferdig bunad.

Ynskjer jenta og familien tillukke med komfirmasjonsdagen.




søndag 6. april 2014

Blå luer

Denne lua har eg strikka etter dette mønsteret.
Har strikka den i Viking Sportsragg, på pinne nr 4.

Den vart litt slapp i kanten/brotet.


Betre å sjå på modellen.

Fin bakfrå.


Denne lua fekk eg i oppdrag å strikke frå ei dame.
Ho hadde ei lue ho likte godt, som eg fekk sjå etter då eg strikka ny til ho.

Beklager dårlege bilder nedover.
Lua vart dampa og tatt bilde av i all hast tidleg ein morgon, før eg reiste på arbeid.



Etter litt telling, måling og feilstrikking blei lua ferdig.
Denne er strikka i Viking Balder på pinne nr 7.


Blei passeleg, men kanskje litt varm no når det mildnar i veiret.
God å ha til vinteren igjen :-)


Har strikka ni fletter som går ihop på toppen.
Dei to siste bilda er mest lik orginalen i fargen.




Andre innlegg so kanskje fell i smak?

Related Posts Plugin for WordPress, Blogger...