Rillehals

Kanskje feil årstid,
men eg har strikka ein hals
etter mønster frå Pickles sin Helt rundt rillehals.
Brukte anna garn enn i oppskrifta: Alfa, dobbelt garn og pinne nr 10.
Endeleg fekk eg bruk for isoporhovudet eg kjøpte i haust:)

Mønster og farge bestilt av datter i huset :)
Rask og strikke,
uvant å bruke so tjukke pinnar.
Skulle kanskje hekla ein kant rundt oppe og nede,
men er redd det vil stramme..

Nokon som har eit godt tips der?

Men den blir nok god å ha i halsen på kalde dagar.

Mairose og gjenbruk.

Det er ei stund sidan eg har blogga.
Travle tider no på vårparten.
Har div handarbeid i sving,
men er ikkje ferdig med noko enda.
Ellers går fritida med til 17 mai komite,
øving i revygruppa eg er med i,
og litt hagearbeid.
Eg er ikkje av dei ivrigaste i hagen,
men styrer på so godt eg kan :)

Pleier å hekle ein del 17 mai roser, for salg, kvar vår,
men i år har eg ikkje fått tid.
Rekk liksom ikkje over alt eg har planar om å gjere..
Skal ta det igjen til neste år.
Kjekt når folk kjem og vil kjøpe slike.
Denne har eg hekla snurra på.

Den øverste rosa er den eg har hekla tidlegare,
men eg likar no den med snurra òg, eg :)

Har funne fram nokre gamle, godt brukte sko,
fekk inspirasjon her , og planta takløk i dei.

Dette synest eg var grei gjenbruk av gamle sko,
istaden for å kaste dei.

Pus stiller gjerne opp som modell :)

I natt har det regna,
men eg hapar det blir opplett i morgon
når vi skal feire grunnlovsdagen.

Ynskjer alle ein fin 17 mai.

omsaum

Forige veke var dotter vår heime ein tur.
Det var kjekt å ha ho heime nesten ei heil veke,
vi hadde føre oss mykje artig, som vi ellers ikkje tek oss tid til.

Denne buketten kom ho inn med,
etter å ha vore ute ein tur.
Jammen mange år sidan sist ho plukka blomster til meg.
Ho var ivrig blomsterplukkar som liten.
Slike småting som rører eit morshjerte.
Har vel liksom ikkje blitt tid til slikt dei seinare åra,
med skulegang, lekser og hybelliv.

Ho fann fram dette skjørtet,
som eg sydde til meg sjølv for ca 25 år sidan.
huff, det høyrdes ut som lenge sidan..
Det var so populært med smale skjørt,
sovidt ein kunne ta ein fot framfor den andre på somme skjørt.
Nokre hadde lakkskjørt,
eg sydde dettet i skai.
Nok mimring for denne gang.

Skjørtet passa henne akkurat,
men sidda er vel ikkje den rette for 2010.

Då var det berre å finne fram saksa,
og klippe av..
Og vips, har ho fått seg nytt skjørt.
Kjekt at litt av alt eg samlar på,
kjem til nytte ein dag.

Ynskjer deg ein strålande mai-mandag.

Regn og vind

I dag er yngstemann 16 år,
utruleg kor tida går.
Hadde planar om å heise flagget,
men med mykje vind og regn forandra den planen seg.
Pus kosar seg inne,
er snar å legge seg i ei seng, hvis ho får anledning til det.

Ellers har eg avreagert frå bunadsaum
med å strikke eit par labbar.
Fekk ein del reste-labbegarn hos mor mi,
då er det kosestund å sette ihop fargar.
Strikka to omgangar ensfarga og to omg melert garn.
Er ikkje heilt fornøgd med hælen,
strikkar den alltid litt for kort.
Skal nok bli betre på det etterkvart ;)

Ha ein kjempefid dag.

Det var det :)

No er maljedukane sydd på.
Har lagt eit lyst stoff inni vesten, på prøvedokka,
litt betre å sjå detaljane enn med burgunder bakgrunn.

Beltet er det einaste her som ikkje er heilt tilpassa.
Må gjerast når jenta har bunaden på.

Lommen har fått plass, hektast i skjørtelinningen.

Beltebandet rekk heilt ned på banda nede på skjørtet.

Vips...no er den ferdig :))

Var litt vemodig å levere den ifrå seg.
Men mottakar er fornøgd,
og det er det viktigaste.


Ha ein kjempefin dag vidare.

Fortsettelse

Andre kapittel i bunadprosjektet mitt :)
Nevnte det ikkje i forige innlegg,
men bunaden er ikkje til meg.
Den er bestilt til ei som skal konfirmerast no i mai.
Her er brodert lomme som skal henge i beltet på bunaden.


Underskjørt med svarte fløyelsband nede langs kanten.

Har brodert maljedukar til vesten.

Vesten har flotte handvevde ( ikkje vevd av meg )
band i ryggen-

- og på framstykket.

Nok for denne gang.
Bilder av ferdig bunad kjem i neste innlegg.

Det er ein del rot i bakgrunnen i bileta.
Har innstalert meg i eit lite brukt soverom so lenge,
i påvente av ein anna plass å ha alt sy-styret mitt på.
Har noko på gang på det området...


Ynskjer deg ei strålande helg.

Sunnfjordbunad

I vinter har eg brukt mykje av fritida mi til bla. bunadsaum.
Det er første gang eg lagar heile bunaden sjølv.
( ikkje skjorte )

Etter å ha brodert kanten nede på stakken,
skal det påsyast grønt stoff nede,
og handvevde band langsetter.

So er der å rekne ut størrelsen på foldene.
Ca 3,5 m vidde skal fordelast til 60 folder.
Har heldigvis ei dame her i nærleiken som er tolmodig,
og viser meg korleis dette skal gjerast.

Her er alle foldene tråkla,
klar til pressing.

Fortsettelse følger :)

Ha ein flott søndag vidare.